.
.
يقولون العرب صوت البنية يذبح الرجال
وانا اقول البلا بالصوت ألا يلعن ابو حيهـ
ترى قولة آآلو منها تسوي داخلي زلزال
خصوصا لا طلعت قولة "آآلو" من سعوديهـ
اذوب ان قالت شلونك .. عساك بخير ...كيف الحال؟
واضيع اسم جداني اليا قالت شمآآليهـ
حلاها شي مو عادي وميزتها ...وسيعة بال
هواها يذبح العاشق ..وفيها الشمس و الفيهـ
واذا قالت انا من نجد .. صدقني يجيني هبال
وانا أدري ان الحلا نجدي ..وساس الزين نجديهـ
ابثني خطوتي للزين.. وبطوي في لقاه أميال
وينبض قلبي بسرعة ليا قالت حجازيهـ
خفيف دمها سكر ...عليها من الوصوف اشكال
تحير من يوصفها ...لأنها غير عاديهـ
واقوم ألعب على طروق الشعر ..وآجر لي موال
على ألحان الجنوب.. أن قالت بنية جنوبيهـ
رقيقة كنها النسمه ..جمال وحسن عال العال
وهي اصل الشقا والطب... لقلوب الشقاويهـ
وأجوب الساحل الشرقي.. واغني للبحر يامال
وأردد ياهوى بالي ..اذا قالت لي شرقيهـ
دلعها غير عن كل البنات.. وتشهد الأمثال
وتكتبتها القصائد ..ثم تغنيها الغناويهـ
وانا لمن سألتوني..؟ ترى عشقي ثرى ورمال
واموت واحياء على عشقي ..وانا احب السعوديهـ
