مليت الصبر
........ مليت الانتظار
تدرين
من يوم افترقنا
وش اسوي كل ليله
اتخيلك واسهر مع طيفك
اسولف له عن الذكريات
واحكي له قصص
واذا حسيت انه مل السوالف ...
اداعبه
وادخله جو الفرح
تدرين
حتى طيفك
احيان
ياخذ من صفاتك طبع
يخلف الموعد وماله عذر
واجلس انا انتظر واسهر
وفجاه يداهمني الفجر
وارجع اسلي الصير
وانتظر
ليله جديده
يمكن هالمره تجي انت وطيفك سواء
صرت
انا والصبر والانتظار اصدقاء
ننتظر ونصبر وأسليهم اناء
طالت المده
وقلت الهمه
واختلفنا
عن
بعضنا
مل الصبر منا ومل الانتظار
وصرت وحدي
بلا صبر
وانتهى وقت الانتظار
وفي ليله البارح !!! كنت سارح
كنت منسجم كنت اتمتم للقصايد
مرني طيفك عجل
ومن الفرح
تدري وش حصل
قمت اضمه واحظنه
كنت مشتاق
لدفاك
للرضاك
لزعلك
لتغليك
لكل
شي فيك
تصدق
حتى
عطرك
كنت اشمه
لو بس
حتى اتخيلك
في وعز فرحتي
مدري لهفتى
مدري خوفي
غفيت وانا اضم طيفك ونمت
مرت الليله سريعه
ماكنت فيها شخص عادي
وعند الفجر صحيت من غفوتي
لقيت اللي حصل كله
سرا ب
وحلم ليله
وانتهى
اهـ ياحسرتي اهـ يالوعتي
حتى الحلم استكثر الفرحه علي
وبسرعه انتهى
وهذاء انت الليله جيت تعيد نفس الحلم بس الطريقه تختلف
خلنا نحكي الحكايه ونغنيها شعر
قـــالت ليــة تعشـق الجــرح ولية تنادمه
ليــة شقيت من خام الحزن ثوب ولبست
ولية حضرتك وحروف شعرك خادمه
ولية كل ماحضنت لـــك وردة نعــست
قلت ارحبي كل ماشفتك يمي قادمه
وينها الغيــبه ويـن رحت وغطـست
كل حلم مرني جته طيوفك هادمه
تدري اني لحلمي البارح همست
قالت رحت العام واليوم جيتك نادمه
ذبــلت من قــيض الفــراق وعبــست
وتعبت اعاند زماني وتعبت اصادمــه
شفني بقايا روح لايغرك وش رمست
قلت اهـ و جرحي اللي عن الناس رادمه
وقلــبي من الفرقــاء علــى نارك حمــست
تدري غب على كيفك وانا اللي الجرح انادمه
ولا تسآليني ليه فصلت ثوب الحزن ولبست
وش يفيد الندم
,,,,,,وش يفيد الندم
,,,,,,,,,,,,,وش يفيد الندم
مابقى عندي كلام
ولا بقى عندي سؤال
ليتك مارجعت!!! ليتك مارجعت !!!
تدرين وش ذبحني وهد حيلي
روحي اتعبتها تطرد سرابك
وانا ادري
حتى السراب يمكن وانا اتبعه يعطيني امل
بس انت الضماء تمنعني حتى من الامل
ياغربه الروح انهي المشوار
تــعبت اشــيلك ياثقيل حمــلي
ياغربه الروح ادونك تذكار
يمكن جـفاك يدفنه رمــلي
الجرح وغربه الروح اسرار
الجرح ينزف وغربته تملي
تعبت اكابر وطحت منهار
غريب و كل حلم انهدملي
بغيت اخذ من اسنيني الثار
فجأه صحاء طفل وخطملي
عودت اتوقاء من النار بالنار
اهـ وش يجمعك ياشتات شملي
طفل اصبح ضحيه في لعبه اكبار
امه تنوح ودمعها عليه هملي
صاحت يقطعك يافكر جبار
خل الطفل يلعب وخل الندمـ لي
خله يعيش لاتعلمه وش صار
يمديه يلحق من غثاء وسملي
ابيه ذخر لسود اليالي والاقدار
وابيه لياجار الزمن يحشملي
دخيل دمعه الام ياسيد الدار
هيضت الجروح واشبعتها ثملي
,
,
دوك خنجرك
واذا عنك اقفيت
اطعن بالضهر
ارض الغرور اللي
عما عينك وقلبك يتبعه
صعب نرجع صعب ننسى الجراح
روح الله يسامحك كل شي انتهاء
.................روح الله يسامحك كل شي انتهاء
................................................روح الله يسامحك كل شي انتهاء
