تضيع ايامك بوحشة سراديب الهوى المفضوح
وانا اللي من عرفتك ما تعرف الحب ودروبه
كرهت الحب يوم انك كرهته يا رفيف الروح
عقب ما كنت أحيا به هوى وسنين محسوبه
سمعت الصدق يوصف لي معالم صوتك المبحوح
سمعت اعبر مواويل الحزن في صوتك تشوبه
لمحت بنظرة عيونك سعادة دمرت بالنوح
سعادة .. حزن .. أفراحك .. كذا نوبه بعد .. نوبة
شموخك نجم .. ودروبك طوال وبابك المفتوح
مفاتن عز يا سيفن فيَ الهيه تهقوو به
تزول اكبر حضارة لو بغيت تزيلها وتروح
من اللي يعترض وجه العزيز ؟؟ يجيب عذروبه !!
عباراتك ، سواليفك ، وأنفاسك زهور تفوح
وحبي لك روى روحك وزاد التربة اخصوبة
عزيمة جات في فكري طموحن ما بعده طموح
ابستكشف متاهاتك .. فرحك .. وفكرة هروبه
دخلت لمملكتك ولا لقيت الا بنا وصروح
عرفت السر والماضي عشقته واعشق عيوبه
دخلت وكنت احَسْب ان الحضارة تشفي المجروح
واثاريها المرض واكبر هموم الدهر وكروبه !!
تعال نعانق الدنيا وناخذها غلا ومزوح
توقعتك تواسيني ولكن جات مقلوبة !!
